الجوهري عبدالله
/موال\
ياليل..ياعين
عينى عليك ياجدع
ياللى عليك العين
استصغروا عليك الوجع
زادوا الوجع..وجعين
سألت..ناس عارفين
قالوا..جرح العزول
يخف بعد يومين
قلت..ووجع الحبيب
اجيبله عمر منين
العشره ياناس ماتهونشى
الا على الخاينين
سألت الطبيب المداوى
قاللى..سنين بداوى
كل الجروح والبلاوى
ماشفت زيّك غاوى
لسه له قلب وعين
يبكوا على الاطلال
ويشتروا البايعين
ياليل..ياعين
جوهريات
ليست هناك تعليقات:
إرسال تعليق