--- خواطر الأشعار لمحمد نصار----
ببقرش بصل
وبصل بقرش
بلاش يا عسل
تقول ما افتكرش
عن إللى حصل
بسبب القرش
إحنا فى زمن الفلوس
إللى خلت النفوس
على أعز الناس تدوس
من غير إحساس ملموس
والكل بألف وش
إحنا فى زمن العجايب
فيه النفاق مشروع
وفيه الوليد بقى شايب
ويصرخ وهو مفزوع
حتى الحليب بقى رايب
من كتر الخداع والغش
حتى الحقيقه ضاعت
وانعدم فيها الضمير
وناس نفوسها إتباعت
وياريت بفلوس كتير
والفرحه كمان أهى تاهت
تاهت إزاى معرفش
عد سنين الغدر
وشوف عددهم كام
من طلوع الفجر
لحد العيون متنام
هتلاقى عدى العمر
يجرى ورا الأوهام
وهى سنين بتمر
عالصبر أنا مقدرش
ليست هناك تعليقات:
إرسال تعليق