فاكر.. واحنا صغيرين...شعر الأستاذ/محمود القطوعي ...
فاكر لماكنا..واحنا صغيرين...
والحياة تقابلنا..وتقول لنا حلوين ...
والجيران تشاغلنا ..والناس الطيبين...
ف الرمل اما تعفرنا..كان ريحته رياحين...
زارع ف الخير لبلدنا..والفاكهه ع الجبين...
كنا نشوف قمرنا ..ف عيون السهرانين...
والليل يسقي بحورنا..واحنا عطشانين...
نشرب حب غيرنا..وف حبنا تيهين...
حب بريء ف توبنا..وكان مليان حنين...
وياريت ف يوم قدرنا..نعيش ذي ما عيزين...
شعر الأستاذ/محمود القطوعي...
فاكر لما كنا ..واحنا صغيرين ...
لعبنا ف الحواري ..طيرنا طيارات...
والورق احمر كناري..وركبنا الدرجات...
وقعنا وقمنا تاني ..وسبقنا العربيات...
غطينا الفرح اماني..وكتبنا الذكريات...
على شجر الحب اغاني..سهام وقلوب وحاجات...
قريناها في ثواني..وسبناها للي فات...
فكراك قلبي وفكراني..ومنوره فيها السنين...
فاكر لما كنا ..واحنا صغيرين ...شعر الأستاذ/محمود القطوعي ...كل عام وانتم بخير
ليست هناك تعليقات:
إرسال تعليق