تعبيرا عن حواء
انا واحده احتارت فاختارت
تسكت منطقتش بحرف
انا واحده تعبت فسندت
على كتفك ذيدتها ضعف
انا واحده اتقتلت مشاعرها
مخدوعه ببريق كلمه حب
انا واحده الحزن كاسرها
علشان امنت بكلام كدب
انا واحده من كتر ما شافت خافت
فحبست نفسها في اوضتها
انا واحده الناس سابت غابت
فبقت بتصاحب مرايتها
انا واحده مكياجها مونتاجها
بقت محترفه رسم رتوش
انا واحده دمعتها ضحكتها
وش حزين مداري بوش بشوش
انا واحده حبسوها سجنوها
مربوطه بتاء التأنيث
انا واحده ظلموها قهروها
متهمه بظن بشع و خبيث
انا مش واحده انا ام و اخت
و عمه و خاله و حبيبه و صديقه
و انت لو مره فهمت
هتعرف انها طفله بريئه
ليست هناك تعليقات:
إرسال تعليق