بسم الله الرحمن الرحيم
فى ناس لما ياكلها الشوق بتكون ذوق
أما غير كده تلاقيها دايمًا باصة لفوق
الكبر ماليها و مرة واحدة تلاقيها
فى منتهى التواضع
لما يكون الشوق قايم فى كل المواضع
و عمره ما سأل نفسه ليه أنا بعمل كده ليه
طول ما الشوق نايم و مش قايم عليه
فى ناس زى البهايم ما بتفتكرش
إلا لما يكون هايم أو جعان أبو كرش
ساعتها بس يقول كلمة حلوة و يطلع القرش
فى ناس زى البهايم ما بتفتكرش
و احنا اللى فاكرين حظنا قليل
حامدين و شاكرين و عمرنا ما نريل
الأمر لله و الحال بقا بالمقلوب
يمكن ربنا بيبتلينا عشان نتوب
محمد أبو المعاطى
ليست هناك تعليقات:
إرسال تعليق