بيقول على نفسه المظلوم
وبيرمي على غيره اللوم
لأ والله .....أنت الظالم
وبتظلم وتقول مظلوم
من غير سبب ألاقيك بتغير
وبتزعل من غير تبرير
ولا عندك ولا حتى دليل
ويوماتي كده صبح وليل
وبتلبس لي وش البوم
وبتظلم وتقول مظلوم
تنصب لي يوماتي محاكمات
ع اللي جرى من كام يوم فات
واللي حصلي من سنوات
وتزيد وياك الاتهامات
من كترها هعمل ألبوم
وبتظلم وتقول مظلوم
بتغير حتى من الأحلام
وأفضل أصالح بالأيام
هتشمت فينا العزال
ومن الفرحة تعيش محروم
وبتظلم وتقول مظلوم
******************
بقلم # أمل صلاح#
ليست هناك تعليقات:
إرسال تعليق