الإنتظار
فى الصيف وحره أكتب شعار
ده حبيبى سافر وأنا فى انتظار
والشوق ياخدنى ليل نهار
والشمس تحرق بإستمرار
معشوقى هاجر وساب لى دار
وذكرياتى سلوى فى مطار
ولما تشتى كده أمطار
برده أنتظر والقلب عمار
يمكن حبيبى يجينى فى نهار
ويطفى قلبى مولع نار
ويبوح بسره ده عقلى احتار
والشوق بدمعى بحور أنهار
وفى الخريف أوراق أشجار
تحمل رسايلى ليل ونهار
تسقط وتغرق كده فى بحار
من كتر شوقى والانكسار
تدعو حبيبى يطفى النار
بسرعة كافية بلا انتظار
وفى الربيع بيجينى بزهور
والدنيا ضلمة تولع نور
وبساتينه فرحة وهنا وسرور
تطرح ورود وتفوح فى عطور
لكن حبيبى كتير مغرور
ياريت فصوله تدوم على طول.
احلامى وطموحى فى إختيار
يجمعنا عش بدون أسوار
وطريقنا يتوحد بعمار
ونعيش فى جنة وبدون نار
والوصل يفضل بإستمرار
بدون تباعد ولا إنتظار .
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق