مهما إن قلت ومهما كتبت
أنا مش هقدر أوفيك حقك
ياللي على رمال سينا رسمت
أعظم لوحة تخلد اسمك
ياللي بعزم وقوة رفعت
راية النصر عزيزة في أرضك
ياللي رويت الرملة بدمك
تطرح شجرة مسك وعنبر
ياللي تضحي عشانا بعمرك
ياللي رافع روحك على كفك
أنا مش هقدر أوفيك حقك
يا ابن النيل والوادي الأخضر
وقت الخطر ألاقيه بيكبر
يفدي بدمه وروحه بلاده
ولا عمره كان يوم يستخسر
ويقول من قلبه أنا فداكي
يا ريتني كنت أملك أكتر
***************************
بقلمي. أمل صلاح
ليست هناك تعليقات:
إرسال تعليق