. مساك عندي:
ابدي قصيدي وأقول مساك عندي
بين نبض واشارة منك وعين تشتاق
ليل الخميس غير كل ليله تراه يشدني
صوب أغاني بين شوق وحنين وفراق
جيت أدور لحن اوبيت شعر يلمني
يقول يازين حالك لو بالك صفي وراق
مرات أقول يتغير الوصف ويعاندي
بوحي وفكري وحتى قلمي والأوراق
يجيبني صوبك قول انت اللي يهمني
يداعب داخلي والحشا والعين سباق
الحليم قال ان كنت اعز عليك فعلمني
حالك مثل حالي تحن ولي تظل مشتاق
ولا قول ام كلثوم بحرقة والم ياظالمني
قبل يوصل الصوت عندي النبض سبّاق
غيرهم قالها وانت بعيد بعيد عني
وهم بعد تذكرت شعر يقول البعد حرّاق
سقت الهمسة ولو كنت اللي يغني
لخليك انت واللي يسمع يحن ويشتاق
هي حال أهل الهوى بين حقيقة وتمني
بليل كله نجوم ويشدهم نجم بينهم برّاق
دوم اللي يقرأ قصيدي يتعجب ويسألني
هو كلامك ولا من غيرك قص ونسخ ولصاق
يشهد الله كلامي ويمكن يشبه كل متمني
يبوح باللي داخله واحساسه وطيب الترياق
نذرت كلامي وهمسي لكل من يحبني
يظل دايم ومتواصل وللقلوب ساقي وغرّاق
@عزالدين الحميري@
ليست هناك تعليقات:
إرسال تعليق