كملي يللا عليه تمثيل
كام دمعاية وكام منديل
فوقهم زيدي كام تسبيلة
قولي إنك أحسن عيلة
لفي دماغه بكام ضحكاية
ضللي عينه بكام ورداية
قولي لغيره ما بتبصيش
هو إنت يا بت ما بتمليش !!
كملي يللا عليه تمثيل
نزلي دمعك في المنديل
زوقي روحك بالمكياج
إوصفي حبك بالأمواج
عندك قلب أبيض عاج
إخدعي عقله ويا عينيه
إوهمي إنك بنت البيه
هو إنت يا بت ما بتمليش
قلبك مات ما بتحسيش
جايلك يوم هتبوسي رجليه
عصام الباز
عصام الباز
ليست هناك تعليقات:
إرسال تعليق