رساله من القبر
ياولدى بيعت رساله ليك
بعد ما التراب ماتوانى
بعد ما اللحم راح والعظم فاح
واللسان باخ عن كل شئ خلانى
اعصى ربى واشتهى ملذاتى
افتكر الدنيا وانسى أن الاخره عنوانى
ذنوبى كانت كتيره
فدعيت رب العرش فنجانى
اسمع وصيتى ياابنى واوعلها
واحفظها واوعى تنسانى
خلى امك قدام عينيك
واوعاك ياولدى تهجر دارك
هيا السند ليك من بعدى
وف غربتك حافظه مكانك
وولادك خليهم قدامك
وعلمهم يسمعوا كلامك
علمهم القرءان والسنه
وخليهم يصلوا قدامك
مرة فى مره يتعلموا
وتكون حققت مرادك
وحافظ على الصلاة
واوعى تفتكر الدنيا دايمالك
يمكن سنه يمكن يوم ثانيه
وبعدها تروح وتلمس اعمالك
ودى وصيتى ياابنى ومافيش
غيرها اقدمها لك
أعمل بيها واحفظها
فى كل مكان ووقت قدامك
أشرف رفعت فؤاد
ليست هناك تعليقات:
إرسال تعليق