**** يوم الوفاء ****
صبح الصباح
واليوم مش عادى
صوت بهية
علي اولادها بتنادى
اليوم يوم الفرح
في الدلتا والوادى
حقي عليكم كلكم
تسعدوا فؤادي
وأشوف جمعكم
تتشبك فيه الأيادى
أنزل وأقول كلمتك
واخرس كل الاعادي
قول بالروح بالدم
هأفدى بلادي
وأبني مجدها واعمرها
لاجل ولادي
********************************
يا بهية حالف لازين
توبك بالورود
وأصون حماك واوفي
بكل الوعود
وامحي ما بين اوصالك
كل الحدود
واخرس لسان
كل حاسد لدود
صوتي هو سلاحي
ضد كل حقود
وحلم أبليس أن
لحصنك تاني يعود
خلاص زمن عتريس
انتهي م الوجود
ولادك النهاردة
بيكتبوا لحظة خلود
فرحة وزفة
لحلم جميل معهود
رجالة علي ستات
وأمل جديد مولود
******************************
يا بهية دا انت الحضن
اللي بيدفينا
ولو غبنا عنك لحظة
تدوري علينا
يكفينا من خيرك أكلنا
ومن نيلك ارتوينا
ومهما قسيتي علينا
ترجعي ترضينا
دا أنت نبض القلب
ونور عنينا
هتفضلي حصن امان
يحرسنا ويحمينا
والنهاردة جينا نرد الفضل
ولواجبك علينا وفينا
بقلم الشاعر / مصطفي كرم
**** Mostafaa Karm ****
ليست هناك تعليقات:
إرسال تعليق