غيم عابر:
تريد تعرف وش لك بالقلب تعال
وخلي الخجل لغيرك ولاتكابر
شرايين تنبض شوق هديرها شلال
لاتظن لحظة تمر ولاكنه غيم عابر
انت الوحيد بعد الله عالم بالحال
ماهو مجرد كلام والاحساس غامر
وش حيلتي معاك ماتغيب عن البال
أدمنت وصلك تونس مجلسي وتسامر
اللي وصلوا مستواك داخلي قلال
ياشوق وحنين تملك الحشا وبه زاهر
راح أبيض هالليل جوك ويطيب الفال
يامسعف حرفي وكلامي ونبض المشاعر
شاطي الغرام صعب وصفه يابن الحلال
خف علي من تعلا أمواج بحرك الوافر
في كل مرة المطلب مني تحقق المسآل
يزود دلالك وتظل ساكت وحضورك باهر
عليك انت تغيير الوصل والحرف قتال
يبوح باللي داخلك وداخلي وتسكت الحناجر
النهاية وماهي نهاية مشوار بدايته سؤال
يبدا من عندي وعندك يظل بين ظن واحتمال
@عزالدين الحميري@
ليست هناك تعليقات:
إرسال تعليق