رسالة الى قلبي الصغير...
...........................
قلبي الصغير
بطل شقاوة ولو ليوم...خليك كبير
العمر عدى وإنت وحدك...
لسه عايش لحظتك
ماسك جناح الحلم خايف...
لو يطير
بين الشقاوة...
والطفولة..
وكل أحلام الحياة...
عايش أسير
****
مع كل لحظة تفوت أقول...
هيفوق ويكبر زى ما فينا بيكبر كل شئ
العمر ..أيامه الصغيرة...شيبت
حتى الملامح ..شيبت
مابقاش في ظلمة عمري غير...
إنت المضيئ
عايش حياتك طول وعرض..
وكأن وحدك إنت بس...
فارس جريئ
أتخبى منك بين ضلوعي وأقول ف سري..
القلب ده ...فيه شيئ مريب
مالخ كده... مخلوق عجيب
بس النهاية أكتشف...
إنك بريئ
*****
مارس 2000
ليست هناك تعليقات:
إرسال تعليق