لاخاب ظني:
هذي الساعة واللحظة اسمها تمني
بين زود الغلا وبين شوق للغايب
يبتدي همسي لأجل ريمتي وفني
يوصف حلاها ولايرد حرفي خايب
ذاك الغزال الشارد عساه مرتاح ومتهني
سهم عينه يطيح بدلالي وله صايب
ماني من اللي يلحن وللهوى يغني
عندي احساس ومشاعر وجوي طايب
ذاك اللي لو بان مبسمي وضحك سني
يبادلني المشاعر واحساسه بحرفي ذايب
مدري يعجبه هالكلام ولا خاب ظني
ان كان موافق يقول ابشر يالغلا ولايعاتب
زرعت بالحشا بستان شوق ومنه يجني
طيب ووفا ومحبة وكل اللي يطلبه نايب
عانيت معاه من زود الدلع يوم شدني
خلى العين والقلب في غرامه سلايب
أريده يدري يوم احساسي عنه يردني
ماهو ذنبي يوم غابت عني مزونه والسحايب
@عزالدين الحميري@
ليست هناك تعليقات:
إرسال تعليق