بمناسبة العيد القومى لبلدى منيا القمح
عبدالمنعم عدلى،،مصر
بلدى
بلدى يابلدى ياحلوة
يابنت الأيه
فيك حاجة حلوة لية
لما تشرق شمسك
أشم ريحك
من نسيم زهرك
ولم أبعد عنك
بالوشم رسمك
جوه قلبى
يامنيا القمح يابلدى
يارسمة البسمة
على وجهى
والضحكة الحلوة
على شفايفى
يابلدى ياحلوة
يابنت الأيه
ياغنيوة حلوة أغنيتها
على شط بحرك
وأنا فى عصرك
ورسمة صورتك
فى وجدانى
أسهر صيفك
على ضفاف نيلك
وشعاع شمسك
فى ليل
شتائك يدفينى
يابلدى يابنت الأيه
فيك حاجة حلوة
من أيام
البيطار وعبدالعاطى
وحتى المنسى كمان
أساميهم مخلدة
على الجدران
كخلود نيلك
من قبل الأوان
يابحر النيل
ياشايل موسى النبى
وسموك على اسمة
بتعدى من جوه البلد
وإبن البلد
إتعجن من ميتك
يابلدى ياحلوة
كل يوم فيك حاجة حلوة
بقلمى عبدالمنعم عدلى
ليست هناك تعليقات:
إرسال تعليق