.. همسات شهيد......
حقي راجع شي اكيد
مهما كان عني بعيد
مهما كان في الدم حقي
بكره جاي فجر وجديد
وألقى اخويا عليه يدور
قصده بيه يرجع سعيد
جوا قلبه الحق يجري
دم فيه نبض الوريد
همه ياخد ليا طاري
يهدي بيه ابني الوحيد
بات حزين رافض فراقنا
بين ضلوعه نار تزيد
قال لابني الحق راجع
مهما كان صعب وعنيد
حق ابوك لازم حيرجع
ييجي يوم شمسك تقيد
كنا يابني اخوات وصحبه
كان ابوك نعم الوليد
طول حياته عاش يسامح
طبع فيه زي الصعيد
وعد مني ابوك حيفرح
حقه جاي يتني الحديد
والملايكه تجيبه تبارك
وأنه يوم أصبح شهيد
يبقى عايش وسط روضه
جنه ليه تبقاله عيد
والزهور على بابها فاحت
عطرت نخل وجريد
......................
كلماتي جمال سعد
ليست هناك تعليقات:
إرسال تعليق