الدنيا إيه غير شوية حاجات !!
................................................
ناس بتدى .ناسى بتاخد
ناس بتحكى ف حكايات
وناس بتشقى وناس بتسعى
وناس بتشكى م الآهات
الدنيا إيه غير شوية حاجات !!!
..............................................
راجل .فلوس وصحة وكرسى زايل
وراجل .فاس ومقطف على كتفه شايل
وشاب بيحلم بلقمة شريفة
بهدمة نضيفة .بزوجة عفيفة
يكمل معاها باقى حياته
وست كاملة تتمني تحلم
ويتركوها تبلغ مناها
تعيش حياتها تلاقي ذاتها
في كلمة حلوة وتنسي شقاها
الدنيا إيه غير شوية حاجات
................................................
واحد سعيد . وجاره مريض
ولا دا شايف .ولا دا حاسس
وواحد... عايش وميت
وغيره.... ميت وعايش
وده بيضحك وده بيبكى
وده بيسكر .وده بيشكر
وده بيحكى على ده وده
الدنيا إيه غير شوية حاجات !!!
...............................................
صدق وأمانة ..غدر وخيانة
مروءة وشهامة .ذل وإهانة
ظلم وندامة ..عدل وكرامة
أمن وسلامة . يللا السلامة
الدنيا إيه غير شوية حاجات ؟؟؟؟؟! !!!
................................................
أنور محجوب
ليست هناك تعليقات:
إرسال تعليق