ياحلم عمري المرسوم
--------------------------
ياحلم عمري المرسوم
بريشة الفنان
مسيره يصحي ويقوم
واقف اهتف في الميدان
بصوت الحق انصف المظلوم
واكتب علي الحيطان
الظلم عمره مايدوم
والعدل صفة الرحمن
الظلم زي الكدب
مالوش رجلين
والعدل ميزان الحق
عارف طريفه فين
الظلم ليه يوم يعجز
وينتهي وبعدهايموت
وده حلم كل انسان
والعدل عمره مايشيخ
ولا يعجز ولايموت
وديه حكمة الرحمن
ماتقولش ازاي وفين
حقك هايرجع
ولو بعد حين
لان العادل موجود
شايفك وحاسس بالمظلومين
خلي توكلك علي ربك
وبلاش نغمة الميؤسين
ده العادل بيحبك
مابيغفل عنك طرفة عين
وبكره تكتب حلمك
بقلم سنونه العدل
غالي والتمن حلم السنين
كلمات بسيوني صديق
ليست هناك تعليقات:
إرسال تعليق