مش أنا
بقلم فؤاد نوح
مش أنا
دوري على حد تاني
غاوي يلعب دور ضحية
أما أنا يا مسهراني
عمري ما ابقى في يوم مطية
رغم حبي و اشتياقي
و اجتنابك للتلاقي
تفضلي عمري اللي باقي
و الدموع تفضل عصية
و إللي جرَّح يوم ف قلبي
و إللي خلي العين تخبي
جايله يوم يشبع أسية
الزمن عمره ما ينسي
و القمر عمره ما يئسي
و المراكب ليها مرسي
و إنتي قلبك ألف غية
و الحمام دايما يسابق
و إللي يسبق سوقه سالك
همه كلمة و ملاغية
أما أنا يا حته مني
مش هيغلبني التمني
و جناحات الصقر دايما
ما تساعها غية
ف. ن
ليست هناك تعليقات:
إرسال تعليق