الجوهرى عبد الله
/حبل سُرى\
حبل سُرى..ينقطع
يوم ينزل..المولود
وانا حبل ودّى..معاكِ
ياحبيبتى للأبد..ممدود
بالخلود..موعود
كل يوم..يتولد..
لقلبى..مولود
تدب فيه الروح
من روحك..
ويسرى فيه الوجود
لو كان مهرك..الّلولى
انا صيّاد..الغالى
انزل عشانك
بحر الظلمات
وقبل مايرد الصوت
بسرعة الضوء..اعود
محمل بالاشواق..
والصدفات
شوقى سبقنى
لسلسابيلك
وقلبى عطشان
حد الظمأ..
وجف اللعاب
واتحشرجت انفاسه
وانسد الشُعاب
حد الاختناق
دوقينى شهد الرضاب
ارفعى عنّى الحجاب
فاض بيّه العذاب
وانت الحَكَم والشهود
والمحكمه وسيف الجلاد
وقاضى..ماضى
فى حكمه..
وانا راضى..
ومسلم سلاحى
والبارود..
وفاتح الحدود
بحبك..بحبك
وربنا المعبود
جوهريات
ليست هناك تعليقات:
إرسال تعليق