حشيشك الاخْضر جايبُه منين؟؟
.....................................
وانا واقف قُدّام البيت
بـ اكشف ضهر البيضا
الحلوهْ الهاديهْ
بـ اضمدْ فى جروحها، اغطِّيها
واخُد رقبتهٙا فْـ باط حُضني
جار دِكّٙه مسنوده بْـ حيط
لجل ارتاح وانا فوق مٓنّيهٙا
ولأنها سٙتراني وْشيلاني بـ أحْضُنها
زعلان ؟
مِنْ تُقْل اوزاري فْـ أٙوْجاعها
و لا عمرها كلِّت او مٙلِّت
مِن تٙعبي وْهمي وأحزاني
سِمعْت الصوت اللّي ناداني
ورٙحٙمْها تعب المشوار
اسْتني ياخالي ... أنا ضيفك
فرحت اهلا بـ الضيف
بٙصِّيت لآخر عنقودْ
كان من صُلْبي
يا سكّر قلبي المعقود
اربط البيضا فى وتدْها
أسْقيها وأدهن فى جروحها
وتجيني اوام
دٙخّلت الضيف
قدمت البارد
شكرآ للخال
ماشاء الله عليك
شيطانك حاضر لـ ايام دي
بيتنطط يرقُص
علي رق كلامك وبيرْفُس
راس اللّي بيفهم
ويشقه اتنين
والعضم الطّٙاللٔ من راسك
ماسك مفاتيح هيْكٙل عودٙك
زريابي يتمخطٙر نغمه
علي نبع الميه الْـ بـ عيونُه
غِزلان' عربيه' شرقيه'
جٙتْ تسكن قاع قلب الـ واهِب
كل شٙرٙايينه واوتاره
وكمان الريشه مطلْسمٙها
ألحان للفرحِ مخزِّنها
فى البطن العود الـ من بٙطنٙه
اغنيته فـٙ لتحيا الوحده العرببه
وْعلي حد العاشق والمعشوق
الاقيك تفْرد لي بٔساط الشوف
الاقي ناس بـ تلبي وناس بتطوف
والكل يولّي حسب ربه
ناس زاهده وناس كارهه
وناس مِتْربِّصه للوقعه
والكعبه صارت سُرِّة اى ميدان
للزيف والحق والهروله والسٌعي
وبين الكدب وبين الصدق
الكل سيان
فارس
وجبان
الكل عرايس ماريونت
وعاوزني اختار ازاي؟؟
وكيف! !!
عمرك شفت كفيف ياخال
يقدر يرسم بالالوان
صوره للورد البلدي مندي
ساعِدني اشوف
الحقني وقولي
حشيشك الأخضر
الـ خٙلْي شياطين الدنيا ساجدين لك
طايعينك
سامعينك
بتجيبه منين؟؟؟
الضّٙهر اتسلّخ
والهم عٙمٙلني انا حماره
وجٙمل الصٍّحه اللّى شايلني
راح فجأه نٙخْ
وريني ياخال
انا نفسي اتعلِّم علي إيدك
ازاي انا اخف؟؟
ولأنّك كان أوّل حد يْشجّعني
راح قالي
اقرا
هتكون قوّال
ياااااه ياخساره يا خالْ
نسيت اسمي ونستني
سنتين وانا ارتًـل اوْرادٙك
فـ ليلي وصباحي علي اصْحابي
واحلم بلُقاكْ
واوّل ماعرفت العنوان
انا جيتٙك اجري وانا أملي
ادوق المُتعه الْـ فِى حٙشيشٙك
وانا هٙدهٙد
هُدهُد جوّالي
واتحوّل هُدهُد سِلْماني
مولانا الشيخ السكْران
بصّيت للضيف
بانتْ كرماتٙك
مٙقٔضيّه بإذن الرّحمن
رديت ع الهاتف
اهلاً سٙكران
اخبار الأخضر
فى حشيشٙك
ابعت تموين البيضٙا
ومعاه قٙطران
وابعت زىْ تموين البيضٙا حشيش
يعني حشيش ف حشيش
لا فيه حٙلف ولا خلجٙان
ولا رِجْله ولا لسان كلبْ
ولا كافور اوعسلْ الأرضْ
لاجل كرامه بيِّنها الضيف
لاجله تِكْرٙم
يُكرٙم ضيفي
ولاني عارفك كلب فلوس
تكرم شهر مُقدم
على شرط السُّرعٙه
وتِحْضر فى الحالْ
مسافة السكّه
تاجي بـِ امانْ
ليست هناك تعليقات:
إرسال تعليق