جنون الحروف
شيلت الهم
وعشت في غم
عشان المم
طفحت الدم
وبرصو الهم
ماراصي يتلم
دي حاجة تعل
دي حاجة تشل
إيه الحل
دي صبحت خل
الوضع اختل
كفاية بقى ذل
لا فرحة تطل
لا بسمة تهل
عيشة ماتلذ
سنان بتجز
وهز الوز
وخدمة غز
ودودة القز
تقز القز
لناس في العز
بمبدأ طظ
نفسي ياخلق
في ضربة حظ
قالوا قوم فز
أحسن نضطر
نجرك جر
خليك ع البر
أحسن تنضر
دوقت المر
فيه منه أمر
فضلت أإن
لاحد يمن
وقلبه يحن
خلاص هتجن
بطل زن
ماسمعتش عن
من زن اتجن
بدون ماأحتد
ولا ألطم خد
نفسي في غد
يمد لي يد
تشدني شد
غرقت بجد
في جذر ومد
أرحمني يارب
يافالق الحب
ياخالق الحب
وقعت في جب
انجدني يارب
بقلم طارق السيد
ليست هناك تعليقات:
إرسال تعليق