( حد مات )
ممكن أكون
عكس الظنون
أو فوق حدود المحتمل
او حد معموله عمل
تفضل حياته ملطشة
ويعيش فى ورقة من الأمل
أنا مش جمل
وان صبرى طال
فده شىء محال
إنى أكتمل
أنا حد حلمه بيتعدم
قدام عينيه
قطعوا ايديه
لما ندم
رسموله خوف
رغم الظروف
بص وحلم
حطوله جوه ضلوعه سم
قال مش مهم
انى أتظلم
كمل حياته بضحكته
شاف سكته
فى الضلمة نور
عمره ما بين قسوته
منعوله حلمه من المرور
كان الغريب من ضحكته
وقت أما كانوا بيبنوا سور
انه يبان من وقتها
كالمنتصر مليان غرور
سألوه يوطى وينكسر
او يتحسر
ع الذكريات
ردد وقال مش هنكسر
تستنوا ايه
من حد مات ؟؟
ليست هناك تعليقات:
إرسال تعليق