أنا عايزة أقول
كلام كبير في حبي ليك
لو هكتبه ولا أرسمه
هعوز زمان فوق الزمان
عشان أدون وأكتبه
إحساسي أعلى من الكلام
إحساسي أقوى من الحروف
إحساس جميل فاض بالهيام
قطع كتير من الطرق ومن الدروب
أنا عايزة أقول
إن حبك جوه قلبي مستخبي
جوه عيني ..ومتغطي بالجفون
وعايزة أقول
إن دقات قلبي كلها بتجيب في سيرتك
كل نبضة منها تهتف بإسمك
شايفة صورتك... وبملامحك سامعة صوتك بيناديني
لحن كله بيداويني
عشق بيجمل سنيني
حب أول مرة أحسه وادركه
إحساس جميل
خلاني أطير فوق في السما
خلاني اهيم ويا الطيور
في دنيا مليانة هنا
وأسبح كتير ويا النجوم
في دنيا خالية من الهموم
واحكي حكايتي للقمر
قلم ..أمل صلاح
ليست هناك تعليقات:
إرسال تعليق