أغنية
(نهاية حبى)
عرفت نهاية حبي ليكي
لما لقيتك مابتشتاقي
قلت حرام الذكرى فيكي
وكل الحرام فى التلاقي
ولقيت منك صد / كفاية
زود بكايا وكتب النهاية
بعتي الدم جوه الوريد
خليتي
القلب الوحيد / شريد
بعتي كله ماخليتى باقي
عرفت نهايه حبي ليكي
لما لقيتك مابتشتاقي
حبيتك
وإديتك كل نفسي
ضيعتي
عمري في ضل يآسي
هجرتي
قلب أغلى من الدهب
رميتي حب بدمي إتكتب
رميتي .
نهر فياض في السواقي
عرفت نهاية حبى ليكي
لما لقيتك مابتشتاقي
رميت مشاعر كل مشتاق
قطعت
حنين كان في إشتياق
وبقيت
خالي من هم الأماني
هديت أمال كانت مباني
هديت .
بيوت الشعر بأوراقي
عرفت نهاية حبي ليكي
لما لقيتك مابتشتاقي
قلت حرام الذكرى فيكي
وكل الحرام في التلاقي
(نهاية حبي)
لحربي علي
شاعرالسويس
ليست هناك تعليقات:
إرسال تعليق