عود الحطب فيها يساوي الف عرش
خميره بيره والعجين لسه مخطمرش وطلع ناقص ملح عشان كده مطمرش
ياللي واكل من خيرها ونازل اقلش ده عود الحطب فيها يساوي الف عرش
بلدك هي عرضك وبطل فيها نهش ده كرامة بلدك اهم من الهزار ياجحش
كل واحد عديم الربايه بيحب الهتش عامل برامج نازل شتيمه ورمي دبش
لوعندك اصل كنت هتقدر قيمة كل عود قش لكن ضميرك ميت جوا نعش
من سنين وغيرك عايش علي المش وصابر فيها وعمره عليها ماتكلمش
بلدك هي عرضك وبطل فيها نهش ده كرامة بلدك اهم من الهزار ياجحش
الشاعر مدحت فضل
ليست هناك تعليقات:
إرسال تعليق