"منديل ورق"
يمكن لأني الليله نمت
لمرايه اﻷحﻻم بتاعتي
الليله جه ودخل كابوس
ولقيتني فيه واقف بقولك
اسمعي
أنا شمس مش منديل ورق
تقدر تطبطب ع السحاب
وتلم عرقك م السما
عرقك دا أصله كان كرامه
دلوقتي أصبح شئ حقير
مش قادر أنسي
برغم حبي بتجرحيني
وأنا بكتب اﻷيام باسمك
وللنجوم أوصف ف رسمك
يتلموا يبقوا زي شمسك
وأحس أن الليل نهار
لكن خسارة
قصة فراقنا توهت مني النجوم
النجمه بينها وبين جارتها
مليون سنه
ف البحر تمشيهم سفينه
والموج يرجعها لمينا
أسمه الفراق مكتوب علينا
أنا قلتلك
نشفيه ف منديل ورق
وارميه
ورجلي ع المﻷ
هتدوس عليه
هقفل الجرح للي بابه
شنكل همومي مقيدة
حمل السنين عجز جمل
الجرح عمره ما رقده
وصحيت لقيتها ف أيدي صورتك
ولقيت شفايفي فوق عيونك
بلمس كرامتي ف العرق
مطري واسقيني منه
جسمي أنا
منديل ورق
ليست هناك تعليقات:
إرسال تعليق