المسرحية هى هى
والوجــوه متغيرة
والإنسانية منتهية
من قلوب متشفرة
وفى النهاية إحنا الضحية
سنينا سودة محبرة
ماعدتش ليه الفرحة جيه
كل القلوب مستنظرة
دمعتنا فوق خد الصبية
والضحكة صبحت منظرة
فوق يا وطن قبل الألم
ليه كل حلمى فيك كفن
ما بقتش قادر ع المحن
وضلوعى والله مكسرة
كل أما أقول بكره الأمل
وأطرد من الواد الكسل
يطاردنى مية مليون فشل
وألاقينى جوا المقبرة
وأسمع صراخ الموجودين
ومفيش غير الناى الحزين
عمّال يواسى المظلومين
أمتى هتفرج يا ترى ؟
المسرحية هى هى
والوجــوه متغيرة
والإنسانية منتهية
من قلوب متشفرة
الشاعر / ناصر عبد المقصود
ليست هناك تعليقات:
إرسال تعليق