لامراهق ولا متصابي
ولا فرحان قوي بشبابي
أنا حاجة بين الإثنين
حاجة حلوة خالص عنابي
واد مجدع حلو و زين
مستوي قوي ع الجنبين
وأسمر و بدم خفيف
وبقول ميغسي بالغين
ياما لامني كتير لايمين
على حب أم الحلوين
آه لو يشوفوها بعنيا
يسحرهم رمش العين
ياناس وعقولكم شتّة
ياللي بترسموا في الخطة
ياتهدوا عليا شوية
يا تولعوا فلفل شطة
وكفاية حبيبتي عليا
ينبوع مليان حنيّة
بدوب لما بتغمزلي
غمزة بعينها العسلية
على طول يتغير شكلي
وألقى الدنيا بتضحكلي
أقولها حطة يابطة
قوليلي منين تتاكلي
تتشاقى زي القطة
وتفط تنط النطة
تسكن جوّة عيوني
وتشد جفوني تتغطى
عرفتم ليه يالايمين
بعشق ست الحلوين
علشان قلبي وروحي
في هواها ياناس دايبين
بقلم طارق السيد
ليست هناك تعليقات:
إرسال تعليق