#قلوب_ومتعذبه#
لما نحس احلامنا
تهرب مننا وتضيع
ونلاقى ضلمه قدامنا
ومنلاقيش لشكوانا سميع
اليأس يجرى ف العروق
والليل يطول من غير شروق
وتتلغبط كل المواضيع
نرجع نتعلق بطيف
ونحس بنسمه عز الصيف
فيتحول الخريف لربيع
غريق اتعلق ف اشايه
او هربان من مواجهه
فى مرايه
خايف يشوف حقيقته
او خايف تيجى نهايه
الخوف خلاه جبان
واحساسه مات جعان
خبطه الهم فجرحه
وسابه ينزف احزان
كفن كل فرحه
وعاش يتيم حنان
تايه وسط البراح
وحواسه كلها متغربه
بيدور ع اللى راح
وشايف نهايته مقربه
يأس الصبر وانتحر
استعد القبر وانحفر
والروح ع الوجع متدربه
وكلها قلوب ومتعذبه
# بقلم : شيماء الدالى #
ليست هناك تعليقات:
إرسال تعليق