بأي دين
بأي اسم وأي دين
دوسنا أحلام الغلبانين
متأسلمين
وأخلاقنا طين
ورا شباك إزاز
متخبيين
لما تنشر واحدة قصة
نبصلها ألف بصة
ونبقا ليها وحوش....
متربصين
وبألف كلمه حب خالصة
ومليون حلف ويمين
توهمها انك ملاك....
وانت شيطان لعين
ترسملها الفرحة ...
وتشربها مر الأنين
بأي اسم و أي دين؟؟!!
تقول البنات مش متربيين
تتهمها انها إنسانه ناقصة
مجتمع ذكوري ...
ملعونين
ولما يأمنك صحبك أمانة
تخونه
بقينا على الخيانه متأصلين
طيب تنسف ليه كنيسه
حلال الدم...
في أي دين..؟!
ولا تربي دقنك...
وتكفر ملايين
بأي اسم ...بأي دين..؟؟
تقول ده فـ الجنة ...
وده فـ النار...
تبقى خايب...
وهتموت حزين
رب العزة وحده خلقنا...
كلنا ...والأصل طين
لوّن كل واحد لون
وخلق في الأرض ألف دين
وقال أنا بحاسب ....
طيب إنت مين؟؟!!
رسولنا قال كلنا زي سنان المشط مرصوصين
تفرقنا انت ليه ....وبأي دين؟؟!!
تقسمنا وتقول ده أبيض ...
ودول ملونين.....
تقول ده مسلم....
ودول يموتوا محروقين
إنت مين.....
وبأي دين...
احنا واحد والأصل طين
#امل عبدالله عابد
ليست هناك تعليقات:
إرسال تعليق