ورجعت تاني بقلمي وفاء أحمد
ورجعت علي البيت القديم
وقلبي يصرخ من الألم
فين اللي كانوا منورين ؟؟
وكانت ضحكتهم نغم
ورحت أسأل الشوارع
عن أمل من زمان ضايع
فين الزمن الجميل؟؟
بص لي الشارع القديم
وقال ماعاد زمن جميل
فاتنا وراح وساب الجراح
ومشيت أبكي علي اللي راح
وطلعت بيتنا مكسورة الجناح
وفضلت أسأل الحيطان فاكرين زمان؟؟
بكت الحيطان قالوا زمااااااااان!!!!!
ده كان زمان!!كان فيه حنان
كان فيه أمان كان فيه جيران
دلوقتي كله غدر وخان
طب فين فلان؟؟؟؟؟؟؟؟
يااااه!!!مات من زمان!!
مات من زمان!!!!!!!!
ازاي وليه؟؟
مات من الجوع والحرمان
طب والجيران؟؟؟؟؟
ههههه!!!!ده كان زمان
ماكان فيه جار يبات جعان
كان له جيران يعطوه حنان
دلوقتي كله باع وخان
راحوا اللي كانوا بيخلصوا
ويحمونا من غدر الجبان
آه يازمان!!آه يازمان!!
ورجعت بحسرتي و دمعي أنيني
آه يادموع الوجع لو ترحميني!!
ده القلب نبضه بيتحرق ويا سنيني
وفضلت ماشية ماأنا عارفة
ان كنت بحلم ولا صاحية
ولاجاية ولا رايحة
دنيا غايمة وفرحة غايبة
وناس غبية فيً طايحة
قتلوا سعادتي وكفنوها
وفي بحور الهم رموها
ورجعت تاني أسال عليها
قالو أنسي يرجعوها
وعيشي او موتي وراها
ليست هناك تعليقات:
إرسال تعليق