****** زمن الوجع ************* بقلم ******** وائل مسلم ************************************************************************************************** ياقلبي يا موجوع .. اصرخ بصوت مسموع .. وابكي بالدموع .. بقينا مشاع .. وانطلب منا الخضوع .. فين العروبة اية الحكاية واية الموضوع ..اليوم بقينا في ذل وخنوع ..واصبح شعار اليوم والاستعمار فارد القلوع .. يا نهار مليان بالدم والشمس قايمة للطلوع .. راحت اراضينا وتهنا في الدروب والربوع .. رحلنا عن وطنا يا تري هيجي يوم ويكون فية رجوع .. قضيتنا تاهت وعرضونا للبيوع .. فين الضمير الانساني فين العرب خلاص دمنا بقي انهار .. فين بتوع الثورة والثوار .. مشروع وحدتنا في انكسار .. وراحت اراضينا وسرقها عدو غدار .. واحنا السبب يا تري هيجي علينا نهار .. فين حلب فين ليبيا فين الاحرار .. صرخة طفل مهزتش مشاعركم يا عرب .. قلبي عليك يا وطن انفطر .. وقلبي حزين في لحظة خطر .. وجزيرة بتهيس في دولة قطر .. والرصاص في صدورنا زي المطر .. فين الوحدة ياعرب .. الصاهينة فتتو دولكم .. وانشلغلتم بخلافتكم .. راحت فين الاوطان .. بقت في خبر كان .. اصحو يا امة العرب وحافظو علي الكيان .. الضرب بقي في المليان .. اعلنو علي التبعية والاستعمار العصيان .. انتم امة كرامة رجعوا الحضارة والقيادة والزمن اللي كان .. حافظو علي مصر الكنانة لانها في الشدة جندها عندة بيان .. فين العربي الشجاع ..اللي تاريخة من زمن معروف عايزين البطل بسيف الحسام يرجع الوطن الموجوع ..كفاية ظلام و نقيد في الشموع ..يارب بلاد العرب يرجع صوتها مسموع .. ونفرح بعودة الوحدة العربية .. ونسعد في يوم رجوع الوطن .. يا بلاد العرب حبك ساكن في الضلوع .. وراح ترجع شمس سورية وبلاد العرب ونبني الحضارة من ثاني قصور وقلاع ..
ليست هناك تعليقات:
إرسال تعليق