زجل لأحبتي الأغلى، قادة الغد ( المهمشين)
أطفالنا أكبادنا، تمشي بأحذية أعدائنا
على الأرض!
بردان ستي الشتي عميسرق الغفوات
وحضنك وقلبك دفا يا ست دفيني
وخلي شفافك نحل عمتشرب الزهرات
بأحلى حكايا العمر يا ست حليني
وعالتعلب المَكّار والعِنِبْ والجاجات
وعا البيْدر المليان، خبزي وزيتوني
رح نام ومواويل جدي متل غيمات
بتروي عطش لفنون، بالحب ترويني
ستي لا تنسي الفجر والصلا والنفحات
وأدعي لألله العلي بالأهل يرضيني
وبكير بكير يا ستي مع النسمات
فيروز زخّتْ سعادي وأمل تنشيني
غني ربينا سوا، يا خجلت الأرزات
فلسطين صارت حطب والشام تكويني
والعرب صارت جرب بحوافر العنزات
كذاب كِلِّ الْكتبْ ما مات صفيني
وأديْش هانوا العلم في أحقر الكتبات
قال الزعيم الحزب الله وكرستي ديني
نحنا يا ستي العلم في دمنا آيات
ولبني ولبني العلم أبراج يبنيني
رح ضل مسلم على أياتنا السمحات
وإقرأ إذا نسيتك يا إمي مين يهديني
والمدرسي ستي رحم عتولد العاهات
كانت زمان الشرف دمي وشراييني
رح عيدها مشتل أمل تتخاطفو الريات
يا نوح إلا بسفينت علم ما راح ترضيني
ورح صير عكتاف الوطن..طيار
ودمي بيروي الوطن والمجد يرويني
أحمد الشيخ علي.
دعوة لكل محب لطفله أن يكتب له.
ليست هناك تعليقات:
إرسال تعليق