تنادينى
----
اذا صوتك طرق سمعى
يهزهز منى تكوينى
يطل الفرح من دمعى
وصوت الضحكة يشجينى
وعزة روحى تمنعنى
تكونى الفرحة لجبينى
انا عايزك ياضوء شمعى
بلمسة ايد بتحيينى
تعالى نغزل الضحكة
من ثغرك ينادينى
..
اجيلك بالامل فكرة
ياحلم العمر بسنينى
تعالى نلضم الفرقة
حنان قلبك يهنينى
ولا تخافى من ضياع بكرة
فى عز الضلمة هتكونى
شعاع النور من السكرة
على حبى تعاهدينى
حذار الفرقة تندهلك
تجاوبيها وتنسينى
ولسة بروحى بندهلك
وكان بعدك على عينى
تعالى بخطوة من قلبك
تجاوبى القلب تحيينى
ياموشومة على قلبى
وسارية فى شرايينى
--
طارق العيسوي
ليست هناك تعليقات:
إرسال تعليق