قلب الأب
؛؛؛؛؛؛؛؛؛؛؛؛؛؛
# خلِّى بالك م الطريق
إحنا يابنتى غلابة
دايما امشى جنب حيط
واحذرى غدر الديابة
لو ضحك لك مرة شاب
مش دا يعنى إنه حب
وانُّه واقع وانُّه طب
وانّٰه بكرة جاي يجيب لك
ِدبْلة وبْمحبس دهب
خلِّى بالك م الديابة
إحنا يابنتى غلابة
# لا يا بابا لأ بلاش
دنيا لِسَّاها بخير
دعوة امى مستجابة
ليه نخلّّى الخوف عصابة؟!
إنت ياما قلت ليَّا
ربنا بْيحفظ عباده
طمِّن القلب الحنيِّن
آبو لاسَة وْجلَّابية
قول له بنتك مش هفيَّة
جنب حيطة مش حتمشى
مش حتقعدتبكى حالها
قول له بنتك واخدة بالها
راصفة سكة وْ ماشية فيها
وبحنانك بتراعيها
ثم إنك إنت ناسى ؟!
إنى نبتك وانِّى بنتك
وانِّى وردة من جنينتك
شاربة منك عطرها ؟!
لأ يا بابا لأ بلاش
دنيا لِسَّاها بخير
دعوة أمى مستجابة
ليه نخلِّى الخوف عصابة
؟؟ !!
؟!
؟؟!!
؛؛؛)))::::::::::
أحمد الحمله
ليست هناك تعليقات:
إرسال تعليق