ببيع الحب .....
مين يشرى ؟
دولاب الذكريات مليان.
البوم صور.....
وضحكات صافيه..
مع صحبه فى شتات ظاهر !
وانا الطاهر بروح فارس.
فى غربه تكوي....
كل يوم الروح.
فى ركد كل صباح...
على اللقمه !
و بيت مهجور .
من اللمه و من البسمات....
فى صحبه جديده.
وسط أغراب .....
بندفع كل اعمارنا !
لأجل نعيش ؟
بقهر الوحده والاطماع !
قطار العمر بيعدى ....
وروح بتشيخ.
قبل شعر الشيب .
وتجاعد الوشوش والوهن....
انا الصاحب.
اللى عمره ما خان !
و لا بيظلم ولا بيجور .
حقوق الغير متصانه .
مع الصور اللى فى الألبوم.
ببيع عمرى إللى عدى بلاش.
مين يشرى ؟!
ببيع الحب ......
مين يشرى ؟!
شعر:هانى رخا
ليست هناك تعليقات:
إرسال تعليق