من قصيدة: الشاعر
حسين الدسوقي
*************
الشاعر كلمات مقريه
و قصيدته حكايه مرويه
مرويه بدمعه واحزانه
من كل حبايبه وخلانه
وياريت احزانه شويه
الشاعر حطٰاب ماشي
في صحرا وفاسه ف ايده
يضرب ارضه يفجر
نهره وخيره يزيده
الشاعر زي الكون مفتوح
بيداوي قلوب مليانه جروح
فاللي بيحكي واللي بيشكي
كله ف جوه قصيدته يبوح
وهو بيسمع عادي ومسلم
حتي ان نام الليل مدبوح
هيقول ايه وكيف يتكلم
وهو الستر حداه طموح
اكتر ناس مجروحه الشعرا
بس الجرح مبيعلمش
يوجع يإلم جايز يمكن
لكن دمه مبينزفش
فان سألوك عن شاعر مات
قوله الشعرا ما بتمتش
فاحرث ارضك وازرع وردك
واجني الشوك ومتصرخش
اصل كتير ف الدنيا وياما
درعوا الشوك لقيوه مطرحش
كل الناس ف الدنيا بتقلع
الا الشاعر مبيقلعش
هو يدوبك يبني ويزرع
لكن هدم وحصد ملهش
اصل الشاعر قصة موت
قصه عظيمه ومتمللش
تقرا قصيدته بعلو الصوت
ممنوع فيها كلام الغش
ليست هناك تعليقات:
إرسال تعليق