فتحت كتابى
_____________
فتحت كتابى مش لاقى كلام
ولا عينى شايفه اى حروف
حستنى عايش وسط ضلام
وقلبى مات من كتر الخوف
لقتنى بحسس زى الضرير
زى المريض ف نومه السرير
وللا غريب تاه الطريق
يا خوفى لكون مبئتش اشوف
وفجأة لقتنى وسط نار
واعادى كتير بترمى الحطب
صبحت حياتى صبر ومرار
مبئتش استطعم حتى الرطب
يا ترا اشكى بس الزمن
وللا امتى هتعدل معايا الظروف
وياما ف عز نومى اوام صحيت
على صوت بيصرخ لقتنى بكيت
فردت ايدى لربى وشكيت
لقيت ملايكه بزفة ودفوف
جايه تغنى وكمان تهنى
بتقولى بس قول التمنى
قولتلها بس الاحزان تسبنى
ولاقى السعادة تملا الكفوف
ولاقى زمانى بيضحك شويه
بدل مهو ديما مدينى العفيه
موقع سنانى بحمله الرزية
كفاية ضحكت عليا الألوف
_________________
كلمات وتأليف
ليست هناك تعليقات:
إرسال تعليق