ملامح
بقلم فؤاد نوح
لما عيوني تشوف ملامحك
تتنسي كل الوجوه
و الكلام يشتاق يصارحك
و الحروف م الشوق تتوه
و الأغانى تهيم ف لحنك
و الربيع ينسوا ينادوه
حد قال لك إني عاشق
إني ف عيونك بسابق
خطوة زماني اللي سابق
حلمي اللي نسيوا يفسروه
شوقي ليكي مالوش حدود
شوق يكفي الكون و يمكن
صدقيني الشوق يزيد
كنت فاكر قلبي خالي
قلب تسهر له الليالي
جم عيونك علموه
مش حكاية سحر طاغي
و لا رمش يميل يلاغي
أو عيون في الحب دامعة
أو خدود الورد لامعة
لأ دي روحك اللي سامعة
صوت ملايكة تنادي باسمك
ليل نهار بيرددوه
ليست هناك تعليقات:
إرسال تعليق