(النهاية )
وكنتم وكنا
ملوك فوق
زمننا
ودلوقتي هوننا
لحبة تراب
ومنه سكننا
ودابت سناننا
وكل اللي مننا
بيصبح سراب
وكل اللي عدي
خصام أو مودة
زعلنا بحدة
وحبة خناق
ومين فينا هدّي
ومين باظ وصدّي
وبنعد عدة
وندخل سباق
ويجرح كلامنا
فيكتر خصامنا
ودمعة آلامنا
تمللي تهون
وزايد حرامنا
وتايه سلامنا
طاطينا وما قمنا
بكسر العيون
وبعد المحايلة
وقولة دي زايلة
عشان كفة مايلة
تحس بأمان
كتافنا وشايلة
ذنوبنا وطايلة
قلوبنا يا خالية
ما فات الاوان
رجوعك لربك
خلاص تم نبضك
وملكه وقبضك
وصوتك سكوت
حسابك بذنبك
ومين بس جنبك
في قبرك لوحدك
نهايتك دي موت
#محمود_المزين
ليست هناك تعليقات:
إرسال تعليق