زمان !
زمان زمان زمان .......... زمان زمــــــــــــــــــــــــــــان
الحب كان يضلل ........ والحِمْل كان قُلَيّل
والبال رايق زمـــــان !
والعِشْرَة كانت حلوة ......... والدنيا زى الغنــــــوة
تتكلم ع الأمان .... زمــــــــــــــــــــــان !
،،،،،،،،،،،،،،،،،،،،،،،،،،
الجار كنت تلاقيـــــه ......... أخــوك لــوأخ غايـــب
والعيلة تحـب بعض ......... ماتفــرقهمش أرض
يستحيوا يفرَّقُوا الميراث .... زمــــــــــــــــــــان !
,,,,,,,,,,,,,,,,,,,,,,,,
الأخ يــــزور أخــــــوه .......... فى الغُربة ويشتريه
من غير غرض يحنله ....... ممكن يموت ويحصله
وان مال فى يوم راح يعدله .... زمـــــــــــــــــــــان !
،،،،،،،،،،،،،،،،،،،،،،،،،
أيـــام كانت جميــــــلة ! .......... بــركة وفلـوس قليلـة
والناس تديك عنيها ............. وتجودباللى ف إيديهــا
وإيمانها كان هاديها .... زمــــــــــــــــــــــــان !
،،،،،،،،،،،،،،،،،،،،،،،،،
إسأل أبوك وجدك ............ يحكيلك عن زمــــــــــان
يسرح ودموع عنيه ......... تشكى اللى بقينا فيـــــه
يترحم ع اللى كان .... زمـــــــــــــــــــــــــــان !
حسن رمضان ـ كبير باحثين بالوعظ بالأزهر الشريف
ليست هناك تعليقات:
إرسال تعليق