(شهيد الحب )
الدرب يطوى الدرب
كله بيدعى يا رب
أول ليالى عجاف
صوت الرنين إسعاف
شكل الوطن فى الحرب
قلت أخش وأشوف
دبابة أو مولوتوف
طلع النفس موقوف
عنده احتضار فى القلب
فطلعت ع الدكتور
قدامى مليون سور
زى الكلاب مسعور
وألعن كمان م الكلب
قلت الجدع بيموت
وأصرخ بعلو الصوت
قطر الحياة بيفوت
زى الحمام فى السرب
قلت ده جاى فى ايه
مات الولد من ايه
قالوا يا عينى عليه
نزلت دموع م القلب
كل الوطن فى سلام
كل العيون بتنام
وقطع الكلام بكلام
ميت شهيد الحب
ليست هناك تعليقات:
إرسال تعليق