(بس انتى حبينى )
معجونة من طيبتى
مخلوقة من طينى
عمرك ما يوم غيبتى
إلا وبتجينى
تبكى فى يوم بعدى
ومحافظة على وعدى
ومهما وبختك
برضوا تحبينى
كاتبانى فى كتابك
ضحكة وكلام ووعود
فارس فى أحلامك
فى الجرح مش موجود
تلقى الجراح فيا
تدينى حنية
ومهما أنا نسيتك
عمرك ما تنسينى
أمشى وألف قلوب
وألقى الجراح مكتوب
وأتعب وأرجعلك
وإنتى تضمينى
شايلانى وأنا جارحك
عمرك ما ترمينى
يا ام القليب من نور
حضنك بيحيينى
إزاى هلف وأدور
وانتى اللى من طينى
هاتى عيدان وبخور
بعيونك إرقينى
إزاى بأسيب الحور
ده البعد على عينى
اشهد يا نجم الليل
على شوقى وحنينى
عاشق وقلبى عليل
لصبية تحيينى
كلمة بحب قليل
أبداا ما ترضينى
هفضل معاكى أسير
بس انتى حبينى
ليست هناك تعليقات:
إرسال تعليق