(حد الصفر )
ونرجع تانى نتفارق
ونظرتنا فى حدود الكفر
ولما قولبنا تتلاقى
بتتقابل فى حد الصفر
بنتقابل كأى اتنين
لا يوم حبوا ولا عاشقين
خلاص لحمك طلع م الضفر
ولما فى صدفة تشوفينى
بتنسى ما بيننا أى وداد
بتنزل دمعة على عينى
بيصعب فيها قلب الواد
يدوب قلبك ولو جارح
ويرجع تانى ويسامح
ونتناسى فى ليالى القهر
يدوب كام ليلة وتجينى
تقولى أنسى وتنسينى
بعادنا ده شىء فى صالحنا
دموع عينك تبكينى
فازيد فى البعد وأفارق
واقول فى كلام ماهوش فارق
ودمع العين بينزل نهر
بس المرادى مش هرجع
ولو عينك سنين تدمع
فراقنا بجد فى صالحنا
قرار صعب وكمان يوجع
ولو هتجينى مشتاقة
وتطلبى تانى نتلاقى
هنتقابل فى حد الصفر
ليست هناك تعليقات:
إرسال تعليق