(قليبك ضل )
وحزامك الناسف
فوق خصرك المحتل
خلى النظر يتشل
واتفجر الملوتوف
بقت العيون بتشوف
كل اللى دونك قل
عمر العيون ما تمل
ولسانى لو يوصف
يفضل كلامه أقل
يتمادى أو يحلف
برضوا فى كلامه ممل
يا حورية م الجنة
قلبك خلاص احتل
وجمع شتات قلبى
فجر هموم بالتل
واداله عمره جديد
صوت الحنين بيزيد
وجع السنين بيقل
يوم اللقا كان عيد
شبك الايدين فى الايد
خلى الميزان اختل
كان الحنين موصوف
لكن مالينى الخوف
خايف أدوب وأتعل
لكن جمعنا ظروف
خوفى صبح مكشوف
خدت فى قليبك ضل
ليست هناك تعليقات:
إرسال تعليق