جراح الكناري
كناري مكسور الجناح
بعود نحيل مليان جراح
واقف لوحده في البراري
في ليل طويل بعدوش صباح
زاد نحيبه والنواح
لما هبت الرياح
شافها هبّه إستخبى
عشان ضعيف ومستباح
م إللي جاي وإللي رايح
نسر جارح صقر طايح
كله سارح في المطارح
إللي قوته الجناح
وإللي منقاره السلاح
وإللي هابش بالمخالب
كله هاجم بإجتياح
بإختصار كل الجوارح
رايحة راجعة بالدبايح
إللي ميت وإللي فرفر
وإللي دمه لسة سايح
يادنيا جيتي عليا كتير
وأنا عصفور من حقي أطير
نفسي يادنيا أعدي السور
نفسي عنيا تشوف النور
وأرجع أغني مع العصافير
وأرقص على نغم المزامير
بقلم طارق السيد
ليست هناك تعليقات:
إرسال تعليق