زجل
(حوا وآدم)
حوا وآدم . أصل الإنسان
والمخ الظالم راكبوا الشيطان
حوا المساواة ساوت عيان
وآدم بالآه إتكيف – نسيان
إتنين فى مشاكل لفوها بلاد
على شئ يتاكل ديما ف عناد
واحد عامل زار للأسياد
والتانى مزامل شبك الصياد
والدنيا الحامل شايله الأحزان
حوا وآدم . أصل الإنسان
حواا. تريد الراس بالراس
من ظلم عبيد لبست خناس
شيطان بيزيد الهوه مقاس
لاعارفه جديد ولافي إحساس
والقلب شهيد . صدر السجان
حوا وآدم . أصل الإنسان
وآدم سيد . تاه بزيادة
عمال بيشيد ويهد سيادة
مجانين تقلد أوسخها قيادة
تخاريف وتزود عند – حمادة
وحمادة يعند يلبس – فستان
حوا وآدم . أصل الإنسان
كنتم عايشين فوق في الجنة
روح بروحين وإيدين تتحنى
قلبتم ظالمين ضحكة أطفالنا
عيالنا الحلوين واللي بتتمنى
رب العالمين . يرحم أبدان
حوا وآدم . أصل الإنسان
والمخ الظالم راكبوا الشيطان
زجل
حربي علي
شاعرالسويس
ليست هناك تعليقات:
إرسال تعليق