صحيح صابر علي جروحي
واقول ربنا يعيني
لا بقدر افوق كدا لروحي
وعمري بيتسرق مني
حاجات جوايا تعباني
ولا بقدر أكون فرحان
بحس الدنيا كرهاني
وفيها معدش ليا مكان
واقول أهي أزمه وتعدي
فخليني علي قدي
لاعمري عليت علي حدي
داانا والله إنسان
صحيح صابر علي جروحي
واقول ربنا يعيني
لا بقدر افوق كدا لروحي
وعمري بيتسرق مني
===============
بيصعب حالي علي نفسي
ولا بصعب علي الأصحاب
وانا بالفعل كان نفسي
مااحس إن الزمن قلاب
وصابر بين ألم وسكوت
وإحساسي كتير مكبوت
ولما بحس إني بموت
مفيش حد عملي حساب
بحاول أبني في طموحي
وخوفي كتير بيوهمني
من اللي بيرضو بجروحي
من اللي كتير بيهدمني
صحيح صابر علي جروحي
واقول ربنا يعيني
لا بقدر افوق كدا لروحي
وعمري بيتسرق مني
===============
أحمد طلبه
٢٠١٧/١٠/١٩
ليست هناك تعليقات:
إرسال تعليق